MediaHub-ի լրագրողը տեղեկացնում է, որ այս առավոտ Սևան-Երևան մայրուղում տեղումների պատճառով խայտառակ իրավիճակ է:

Հերիք չի տեսանելիությունը մառախուղի պատճառով շատ ցածր է, ճանապարհին ձնամաքրման աշխատանքներ չեն կատարվում, ինչն էլ ավելի է բարդացնում վարորդների կյանքը. նրանք երթևեկում են նվազագույն արագությամբ, վթարային լույսերը միացրած: Շատ են վթարները:

Մինչդեռ տեղումների մասին հայտարարվել էր նախապես և ընդամենը պետք էր գործ անել:

Մայրուղու ողջ երկայնքով որևէ տեղ ճանապարհը աղով կամ ավազով չի մշակվել: Հետևապես բոլոր նրանք, ովքեր այսօր առավոտյան Երևան են շտապում, ուշանալու են՝ պատկան մարմինների անգործության ու իրենց տեղում չգտնվելու պատճառով: