Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

Ադրբեջանը հրապարակել է Լաչինում մահացածների տվյալները՝ որպես ոչ մարտական պայմաններում մահեր. Նաիրի Հոխիկյան

Blog Image

Լրագրող Նաիրի Հոխիկյանը գրում է․

«Ադրբեջանն սկսել է հրապարակել Լաչինում իր մահացած զինվորների տվյալները՝ դրանք ներկայացնելով որպես ոչ մարտական պայմաններում մահեր։

Մասնավորապես, Անար Կազիմովի սպանվելուց հետո Ադրբեջանի ՊՆ-ն հայտարարել է, թե ծանր վիճակում է Թայիր Ալիև անունով մի զինվոր, վիրավորվել է անհասկանալի պայմաններում, ապրելու հնարավորությունը զրոյական է։

Եվս մեկ զինվորի՝ Սամիր Խուդիևի մասին հայտարարելիս Ադրբեջանի ՊՆ-ն նշել է, որ նա Լաչինում կանգնած տեղում ընկել ու մահացել է։

Հիշեցնեմ, որ 2022-ի օգոստոսի 1-ից սկսած՝ Ադրբեջանը Լաչինի միջանցքի մոտակայքում ագրեսիվ գործողություններ է իրականացնում Արցախի Շուշիի շրջանի Եղցահող բնակավայրի ուղղությամբ։ Հայկական կողմի պատասխան գործողություններից հետո թշնամին մեծ թվով զենքի և մարդկային կորուստներ է տվել, որոնց մասին խուսափում է խոսել, բայց աստիճանաբար բացահայտում է այլ հանգամանքների ներկայացմամբ»։ 

 

Send