Թաիլանդի հայտնի Պատտայա հանգստավայրում մերկ ռուս զբոսաշրջիկը հարձակվել է անցորդների վրա և դիմադրել ոստիկանների ձերբակալությանը։ Միջադեպը ֆիքսվել է տեսանյութով, որը հրապարակել է Pattaya News-ը։

Հստակեցվում է, որ իրավապահները ձերբակալել են Եգոր անունով 23-ամյա ռուսաստանցուն, ով մերկ քայլում էր Հյուսիսային Պատտայայի Սոյ Նա Կլուա փողոցով։ Ականատեսների նկարահանած կադրերում մերկ տղամարդը քայլում է ճանապարհի երկայնքով, այնուհետև մոտենում է սկուտերի վրա նստած թայլանդցի զույգին և հարվածում վարորդի գլխին:

Աղբյուրի փոխանցմամբ՝ տեղի բնակիչները տղամարդուն հրել են գետնին և պահել մինչև ոստիկանների ժամանումը։ Հայտնի է, որ զբոսաշրջիկը տեղափոխվել է տեղի հիվանդանոց, որտեղ նա շարունակել է սպառնալ իրավապահներին ու բուժանձնակազմին։ Նրա արյունը ստուգվել է արգելված նյութերի առկայության կասկածանքով։