Մուրացանի փողոցում գտնվող տներից մեկում հրդեհ է բռնկվել
Սեպտեմբերի 13-ին՝ ժամը 15։06-ին, Ճգնաժամային կառավարման ազգային կենտրոն ահազանգ է ստացվել, որ Մուրացանի փողոցում գտնվող տներից մեկի 2-րդ հարկում հրդեհ է բռնկվել:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։
Պարզվել է, որ հրդեհը բռնկվել է տան ննջասենյակում:
Հրդեհը մեկուսացվել է ժամը 15։37-ին, մարվել՝ 15։59-ին։ Այրվել է ննջասենյակը (մոտ 50 քմ)՝ գույքով և մասամբ ջերմահարվել է հյուրասենյակի առաստաղը (մոտ 350 քմ)։
Տան բնակիչը (Ա․ Մ․, ծնված 2007 թ․) վնասվածք է ստացել, ում փրկարարները ցուցաբերել են համապատասխան օգնություն։