Հայաստանը ձեռք կբերի հնդկական արտադրության «Konkurs-M» հակատանկային կառավարվող հրթիռներ։ Այս մասին գրում է հնդկական idrw.org-ը։
Հայդարաբադի Bharat Dynamics Limited ընկերության արտադրած հակատանկային կառավարվող «Konkurs-M» հրթիռները ձեռք են բերվում հայկական զինուժի սպառազինությունը համալրելու ծրագրի շրջանակներում։
Konkurs-M-ը երկրորդ սերնդի, մեխանիզացված հետևակային հակատանկային կառավարվող հրթիռ է, որը ոչնչացնում է պայթուցիկ ռեակտիվ զրահով հագեցած զրահատեխնիկան։
Նշենք, որ տևական ժամանակ է Հայաստանը հետաքրքրված է հնդկական արտադրության ռազմական տեխնիկայով և ըստ մամուլում շրջանառվող լուրերի փորձում է ձեռք բերել։ Սակայն այս մասով դեռ որևէ պաշտոնական հայտարարություն չկա։