Կիևի քաղաքային վարչակազմի մունիցիպալ անվտանգության բաժնի տնօրեն Ռոման Տկաչուկը հերքել է իր հայտարարություններն այն մասին, որ քաղաքային իշխանությունները դիտարկում են Ուկրաինայի մայրաքաղաքում հնարավոր տարհանում իրականացնելու տարբերակները։
«Կիևից կամ նրա առանձին շրջաններից տարհանման մասին ընդհանրապես խոսք չկա»,- Տկաչուկի խոսքերն է մեջբերում Կիևի քաղաքապետարանը։
Նա նշել է, որ Կիևի յուրաքանչյուր թաղամասում ստեղծվել են տարհանման հատուկ հանձնաժողովներ, սակայն, ըստ նրա, դա տեղի է ունեցել վաղուց, հանձնաժողովները նախատեսված են բոլորովին այլ արտակարգ իրավիճակների դեպքում՝ ջրհեղեղներից մինչև տեխնածին աղետներ կազմակերպվելու համար։
Ավելի վաղ Տկաչուկը հայտնել էր, որ Ուկրաինայի մայրաքաղաքի իշխանությունները դիտարկում են քաղաքի բնակիչների հնարավոր հարկադիր տարհանման տարբերակները՝ պատասխանելով այն հարցին, թե դիտարկվե՞լ է արդյոք Կիևի կառավարական թաղամասում բնակվող մարդկանց տարհանման հնարավորությունը։