ՄՕԿ-ի նախագահ Թոմաս Բախը գործկոմի հեռավար նիստ է անցկացրել Լոզանի նստավայրում, որի ընթացքում քննարկվել են նաև բռնցքամարտին առնչվող հարցեր:

Ելնելով բռնցքամարտի համայնքի շահերից՝ ՄՕԿ-ը մարզաձևի միջազգային ասոցիացիային (IBA) չի թույլատրել 2024թ. Փարիզում կայանալիք ամառային օլիմպիական խաղերի որակավորման մրցումներ անցկացնել: Բռնցքամարտը 2028 թվականին Լոս Անջելեսում կայանալիք օլիմպիական խաղերի ծրագրում ընդգրկելու հարցը դեռ մնում է անորոշ:

Հիշեցնենք, որ ՄՕԿ-ը կազմակերպել էր նաև նախորդ՝ Տոկիոյի խաղերի բռնցքամարտի որակավորման մրցումները: