Նոյեմբերի 30-ին Հայաստանի և Ադրբեջանի սահմանազատման հանձնաժողովների հանդիպումից հետո հայտարարություն տարածվեց, որ աշխատանքային բնույթի հարցեր են քննարկվել, սակայն չկա տեղեկատվություն, թե երբ է լինելու հաջորդ հանդիպումը։ Այս մասին այսօր ԱԺ-ում ճեպազրույցի ժամանակ ասաց ՔՊ խմբակցության պատգամավոր Սարգիս Խանդանյանը։
«ՀՀ-ն պատրաստ է մինչև տարեվերջ խաղաղության պայմանագիր կնքել, եթե վերահաստատվեն այն սկզբունքային հարցերը, որոնք ՀՀ-ն ներկայացրել է»,- ընդգծեց պատգամավորը։
Հարցին՝ ինչո՞ւ է ուշանում գերիների վերադարձը, վերջինս պատասխանեց, որ հստակ ժամկետներ ներկայացնել չի կարող, բայց մոտ ժամանակահատվածում է այն լինելու։
«Որևէ ազդակ չկա, որ Ադրբեջանը հրաժարվել է գերիներին վերադարձնելու որոշումից»,- ընդգծեց նա։
Մանրամասները՝ տեսանյութում