Ռուսաստանը լրջորեն եւ նախօրոք պատրաստվել է պատժամիջոցներին։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, հաղորդում է ՏԱՍՍ-ը։
Նրա խոսքով՝ Ռուսաստանը կմշակի այնպիսի միջոցներ, որոնք լավագույն կերպով կհամապատասխանեն երկրի շահերին։ Նա նաեւ նշել է, որ անհապաղ միջոցներ են ձեռնարկվում պատժամիջոցներից վնասը նվազագույնի հասցնելու համար, եւ Ռուսաստանի Դաշնությունը դրա համար ունի բոլոր հնարավորությունները։
Պեսկովը նաեւ նշել է, որ ՌԴ նախագահ Վլադիմիր Պուտինը երեկ հրամայել է դադարեցնել ռուսական բանակի գործողությունները Ուկրաինայում՝ բանակցությունների ակնկալիքով, սակայն Կիեւը հրաժարվել է, եւ հիմնական ուժերի առաջխաղացումը շարունակվել է։