Ես ավելի քան վստահ եմ, որ Հայաստանի իշխանությունները, եթե Արցախի ինքնորոշման իրավունքն առաջ մղեն, որը միջազգային իրավունք է, որը որևէ մեկը չի չեղարկել, նաև Մինսկի խմբի համանախագահության շրջանակներում առաջ տանեն հետագա բանակցային գործընթացը, ներկայացնեն հասկանալի փաստարկներ, ցույց տան միջազգային հանրությանը, որ Հայաստանը չի կարող օբյեկտիվ բանակցել Ադրբեջանի ճնշման ազդեցության տակ՝ պաշտոնական Վաշինգտոնը, Բրյուսելը, Մոսկվան կկանգնեն Հայաստանի իշխանությունների կողքին։ Այս մասին այսօր լրագրողների հետ զրույցում ասաց ՀՀԿ ԳՄ անդամ Արտակ Զաքարյանը։
«Սա ՀՀ իշխանության անելիքն է, եթե չի անում, ուրեմն այլ պետություններից նեղանալու իրավունք մենք չունենք»,-ասաց նա։
Զաքարյանի խոսքով՝ իրավիճակը հնարավոր էր շտկել դիվանագիտական ճանապարհով, սակայն այն պետք է լիներ պատերազմից հետո, երբ Փաշինյանը հրաժարական կտար։
Մանրամասները՝ տեսանյութում