Ռուսաստանի կողմից վերահսկվող Զապորոժիե ատոմակայանի չորս հիմնական էլեկտրահաղորդման գծերից մեկը վերանորոգվել եւ կրկին միացվել է ուկրաինական ցանցին՝ այն խափանելուց երկու շաբաթ անց, շաբաթ օրը հայտնել է ԱԷՄԳ-ը:
«Այն բանից հետո, երբ հիմնական գիծը կրկին միացվեց, էլեկտրահաղորդման երեք գծերը կրկին պահուստում են»,- ասվում է Ատոմային էներգիայի միջազգային գործակալության հայտարարության մեջ: «Եվս երեք հիմնական 750 կիլովոլտտանոց արտաքին էլեկտրահաղորդման գծեր, որոնք ավելի վաղ կորել էին հակամարտության ընթացքում, մնում են անջատված»։
Զապորոժիեի ԱԷԿ-ը գտնվում է Դնեպրի ձախ ափին՝ Էներգոդար քաղաքի մոտ։ Սա Եվրոպայի ամենամեծ ատոմակայանն է՝ բլոկների քանակով եւ Եվրոպայում ԱԷԿ-ի հաստատված հզորությամբ։ Կայանը ունի վեց էներգաբլոկ՝ յուրաքանչյուրը 1 գիգավատ հզորությամբ։ Մարտից այն գտնվում է ռուս զինվորականների պաշտպանության ներքո։ ՌԴ ԱԳՆ-ն ընդգծել է, որ այդ քայլն արդարացված է միջուկային եւ ռադիոակտիվ նյութերի արտահոսքից խուսափելու համար։