Ուկրաինայի զինված ուժերի երրորդ գրոհային բրիգադը հայտնում է Խարկովի մարզում հարձակման մեկնարկի մասին․
«Մենք վերադարձնում ենք տարածքները: Հակագրոհային գործողությունների արդյունքում բրիգադը վերահսկողության տակ է վերցրել պաշտպանության գումարտակային շրջանը, դասակի, վաշտային հենակետերը և առաջ է շարժվել դեպի ռազմաճակատի խորքը գրեթե երկու քառ. կմ-ով», - ասվում է հաղորդագրության մեջ։
«Գործողության գլխավոր խնդիրն էր խոցել ՌԴ 20 բանակի հարձակողական ներուժը։ Այս պահին այդ խնդիրը կատարվել է», - հայտարարել է բրիգադի հրամանատար Անդրեյ Բիլեցկին։
Ուկրաինայի Սումիի և Խարկովի մարզերում հինգշաբթի օրը հայտարարվել է օդային հարձակման նախազգուշացում՝ համաձայն Ուկրաինայի թվային փոխակերպման նախարարության առցանց քարտեզի տվյալների։ Ըստ աղբյուրի՝ Սումիի շրջանում օդային հարձակման նախազգուշացումը հնչում է Մոսկվայի ժամանակով 21.30-ից, Ժամը 21.49-ին ահազանգը տարածվել է Խարկովի մարզ։