Որոշակի տարիքում քաշի արագ կորուստը վտանգավոր է, հնարավոր է քաղցկեղ. Մյասնիկով
Ռուս հայտնի բժիշկ Ալեքսանդր Մյասնիկովը զգուշացրել է քաշի արագ կորստի վտանգների մասին։
Քաշի կորուստը սովորաբար դիտվում է որպես դրական բան, սակայն բժիշկ Մյասնիկովը ռուսներին հիշեցրեց, որ դա կարող է մտահոգիչ ախտանիշ լինել: «Ամենակարևոր բանի մասին» հաղորդաշարի նկարահանման հրապարակում բժիշկը հայտարարեց, որ որոշակի տարիքում քաշի արագ կորուստը պետք է դիտարկել զգուշությամբ և մտահոգությամբ, քանի որ հնարավոր է քաղցկեղ։
«Քաշի արագ կորուստը կարող է առաջադեմ քաղցկեղի նշան լինել: Տարեց մարդու մոտ քաշի կորուստը միշտ տագնապալի ախտանիշ է»,- ասաց մասնագետը։
Ընդհանրապես, հավելեց Մյասնիկովը, նիհար լինելը նույնքան անառողջ է, որքան ավելորդ քաշը. առողջության համար շատ ավելի առողջարար է, երբ քաշդ նորմալ սահմաններում է, իսկ մարմնում որոշակի քանակությամբ ճարպ կա։ Տարիքի հետ մարդու համար էլ ավելի ձեռնտու է դառնում մի փոքր ավելորդ քաշ ունենալը։
