Երևանի փոխքաղաքապետ, Երևանի քաղաքապետի ՔՊ թեկնածու Տիգրան Ավինյանը վստահեցնում է՝ իրենք այս պահին ավագանու արտահերթ ընտրությունների չեն պատրաստվում։
«Մամուլը շատ բան կարող է գրել։ Անկեղծ, ես չեմ տեսել, որ որևէ հրապարակում մինչ այս պահն արված լինի, որտեղ հստակ հղումով նշված է, թե ինչ սոցհարցումներ են անցկացվել, որոնք ցույց են տվել իմ ցածր վարկանիշը»,- լրագրողների հետ զրույցում նշեց Ավինյանը։
Ըստ նրա՝ ամեն ամիս մամուլը նոր ժամկետ է սահմանում, թե երբ են ընտրություններ անցկացվելու։
«Մենք նման քննարկում եբրևէ չենք ունեցել, և մեր բոլոր օրակարգերում բաց ենք եղել»,- նշեց նա։
Դիտարկմանը, որ իրեն հաճախ են մեղադրում ժամանակից շուտ Երևանի քաղաքապետարանի ռեսուրսներով քարոզարշավ իրականացնելու մեջ, Տիգրան Ավինյանն արձագանքեց՝ որևէ օրենք չի խախտվում։
«Այսինքն՝ հարց է ծագում, թե ես ճի՞շե եմ անում, որ իմ պարտականությունները որպես փոխքաղաքապետ իրականացնում եմ։ Այս հարցին պիտի պատասխանեմ ես։ Ամեն մարդ իր դերում, իր տեղում պետք է անի այն, ինչ պարտավոր է անել»,- նշեց նա։
Հարցին, թե այս պահին իր վարկանիշը որքա՞ն է, արդյո՞ք մամուլի հրապարակումները ճիշտ են, որ այն ցածր է, Ավինյանը պատասխանեց՝ սխալ գիտեն։