ԱՄՆ Միչիգան նահանգի Օքլենդ շրջանի բնակիչը պատահաբար մասնակցել է վիճակախաղին եւ 100 000 դոլարի ջեքփոթ է շահել, հայտնում է UPI լրատվական գործակալությունը։
58-ամյա տղամարդը օգտվել է վիճակախաղի հավելվածից, որպեսզի կրկին ստուգի այն տոմսերը, որոնցով ոչինչ չի շահել։ Նա չի իմացել, որ այդպիսով ինքը մասնակցում է լրացուցիչ խաղարկությանը։ «Ես չէի կարդացել, թե ինչ է գրված տոմսերի հետեւի մասում, ուստի չգիտեի, որ դրանք սքանավորելով՝ մասնակցում եմ մեկ այլ վիճակախաղի»,- բացատրել է ամերիկացին։
Տղամարդը շատ է զարմացել, երբ էլեկտրոնային փոստով ծանուցում է ստացել, որ 100 000 դոլար է շահել։ «Զանգեցի վիճակախաղի գրասենյակ, որպեսզի պարզեմ, թե ինչ նամակ է դա, եւ իմացա երկրորդ խաղարկության մասին։ Ինձ համար մեծ անակնկալ էր»,- ասել է նա։
Ստացած փողերով ամերիկացին մտադիր է հարազատներին օգնել։