Թուրքիայի նախագահ Ռեջեփ Թայիփ Էրդողանը եւ Մեծ Բրիտանիայի հեռացող վարչապետ Բորիս Ջոնսոնը սեպտեմբերի 2-ին հեռախոսով քննարկել են հարաբերությունները եւ տարածաշրջանային խնդիրները, հայտնում է Hyurriyet Daily News-ը։
Հեռախոսազրույցի ընթացքում քննարկվել են Թուրքիայի եւ Մեծ Բրիտանիայի հարաբերությունները եւ տարածաշրջանային հարցեր, հայտնում են թուրքական ԶԼՄ-ները՝ վկայակոչելով Էրդողանի գրասենյակը։
«Նախագահ Էրդողանը նշել է, որ ինքը եւ Բորիս Ջոնսոնը սերտ երկխոսություն են հաստատել Ջոնսոնի վարչապետության ընթացքում, եւ որ նրանք էլ ավելի են բարելավել փոխադարձ հարգանքի եւ փոխըմբռնման վրա հիմնված երկկողմ հարաբերությունները։
Նախագահ Էրդողանը վստահություն է հայտնել, որ Թուրքիայի հարաբերություններն իր ռազմավարական գործընկեր և մերձավոր դաշնակից Մեծ Բրիտանիայի հետ առաջիկա ժամանակահատվածում կխորանան և կզարգանան բոլոր ոլորտներում՝ նույն ողջախոհությամբ և հեռատեսությամբ»,- ասվում է հայտարարության մեջ։
Նախագահ Էրդողանը վստահություն է հայտնել, որ Թուրքիայի հարաբերություններն իր ռազմավարական գործընկեր եւ մերձավոր դաշնակից Մեծ Բրիտանիայի հետ առաջիկա ժամանակահատվածում նույն ողջախոհությամբ եւ հեռատեսությամբ կխորանան եւ կզարգանան բոլոր ոլորտներում»,- ասվում է հայտարարության մեջ։