Կահիրեում տան փլուզման հետևանքով զոհերի թիվը հասել է 12-ի, երեքը՝ երեխաներ են

Երկուշաբթի Կահիրեում բնակելի շենքի փլուզման հետևանքով զոհերի թիվը հասել է 12-ի, հայտնում է եգիպտական ​​Sada El-Balad հեռուստաալիքը՝ վկայակոչելով անվտանգության ծառայության աղբյուրները։ Նրա խոսքով՝ փլատակների տակից դուրս են բերվել երեք երեխայի դի։

Ավելի վաղ հաղորդվում էր ութ մարդու մահվան մասին: Միջադեպը տեղի է ունեցել մայրաքաղաքի հյուսիսային մասում գտնվող Հադաիք ալ-Կոբբա շրջանում։ Դեպքի վայր ժամանած փրկարարական ջոկատը շարունակում է փլատակների մաքրումը։ Տուժածները տեղափոխվել են տեղի հիվանդանոց։

Գլխավոր դատախազության տվյալներով՝ փլուզման գործով բերման է ենթարկվել երեք մարդ։ Նրանց թվում է շենքի առաջին հարկի սեփականատերը։ Նախաքննությամբ պարզվել է, որ արտակարգ դեպքի պատճառը եղել է տան առաջին հարկում գտնվող հիմքի պատերից մեկի քանդումը։