Սլովակիայի վարչապետ Ռոբերտ Ֆիցոն բրազիլական «Folha de S.Paulo» թերթին տված հարցազրույցում ասել է, որ երբեք չի աջակցի Ուկրաինայի անդամակցությանը ՆԱՏՕ-ին, քանի դեռ զբաղեցնում է կառավարության ղեկավարի պաշտոնը։

«Քանի դեռ ես վարչապետ եմ, ես երբեք չեմ աջակցի Ուկրաինայի անդամակցությանը ՆԱՏՕ-ին», - ասել է Ֆիցոն։

Ռուսաստանի նախագահ Վլադիմիր Պուտինն ավելի վաղ նշել էր, որ ՆԱՏՕ-ին Ուկրաինայի հնարավոր անդամակցությունը սպառնալիք է Ռուսաստանի անվտանգությանը։ Նա ընդգծել էր, որ Կիեւի՝ դաշինքին միանալու ռիսկերը եղել են Ուկրաինայում ռուսական հատուկ գործողություն սկսելու պատճառներից մեկը։