Բեյրութի հարավում տեղակայված բունկերում իսրայելական գործողությամբ սպանվել են Հասսան Նասրալլահը,«Հըզբոլլահի» այլ առանցայիքն գործիչներ, դա ստացվել է առաջնորդների հանդիպման վերաբերյալ հետախուզության շնորհիվ:
«The Wall Street Journal»-ը նշել է, որ հարձակումը տեղի է ունեցել գետնի տակ 20 մետր խորությամբ տեղակայված բունկերի վրա։
Իսրայելի հարձակումն իրականացվել է հետախուզական տվյալների հիման վրա, որոնք մատնանշել էին առաջնորդների՝ ուրբաթ օրը տեղի ունեցած հանդիպման մասին: Ռմբակոծության հետևանքով զոհվել են բազմաթիվ առաջնորդներ և ոչնչացվել «Հըզբոլլահի» էլեկտրոնիկայի և հրթիռային զինանոցի մի մասը: Խմբավորման ներկայացուցիչների միջև լարվածությունն աճել է Իրանի կողմից զսպող գործողությունների պատճառով, ինչը թույլ չի տվել Իսրայելի գործողություններին ավելի ագրեսիվ պատասխան տալ, նշել է WSJ-ն։
Հանդիպման որոշ մասնակիցներ ծրագրել էին քննարկել Իրանի կողմից սահմանափակումների վերաբերյալ դժգոհությունները, որոնք թույլ չեն տվել «Հըզբոլլահին» ուժեղացնել իր արձագանքը Իսրայելի հարձակումներին: Մի խումբ առաջնորդներ բունկերում են եղել՝ թաքնվելով իսրայելական հարձակումներից, ու քննարկում էին իրավիճակն ու հետագա հնարավոր գործողությունները։