Իհարկե, Ադրբեջանի հետ խաղաղության պայմանագրի ստորագրումն անհրաժեշտություն է, ինչպես մեր տարածաշրջանում տեւական խաղաղության հաստատումը: Եվ ես տասնյակ տարիներ այդ կարծիքին եմ եղել: Այս մասին լրագրողների հետ զրույցում նշեց ՀՀ երրորդ նախագահ Սերժ Սարգսյանը:
Նրա խոսքով, ինքը դեռ 1990-ականների կեսերից խոսել է խնդիրը բանակցություններով կարգավորելու մասին:
«Ես չգիտեմ, թե ինչ տեքստ ու տեսք ունի այն խաղաղության պայմանագիրը, որը պատրաստվում է կնքել Հայաստանի կառավարիչը: Մենք միայն որոշակի արտահոսքերից, այլ երկրների մամուլից որոշակի եզրակացություններ ենք անում ու տեսնում, որ ամեն անգամ գնում ենք նոր զիջումների: Դա ինչպե՞ս կարելի է կոչել խաղաղության պայմանագիր",- ասաց նա, ապա հավելեց, որ եթե այդպիսի պայմանագիր ստորագրվի, ապա այն ճիշտ կլինի կոչել պարտադրված խաղաղության պայմանագիր, իսկ դա նույն կապիտուլյացիան է:
Մանրամասները՝ տեսանյութում