Ղրիմի նկատմամբ Ռուսաստանի վերահսկողությունը պաշտոնապես ճանաչելու ԱՄՆ-ի առաջարկը մտահոգություններ է առաջացրել Կիևում և եվրոպացի դաշնակիցների մոտ, սակայն Բրիտանիայի և Ֆրանսիայի պաշտոնյաները «բաց են մի սցենարի համար», որտեղ Ուկրաինան ընդունում է որոշ տարածքներ կորցնելը, գրել է «The Wall Street Journal»-ը՝ հղում անելով բանակցություններին ծանոթ աղբյուրի:
Դրա դիմաց Լոնդոնն ու Փարիզը կպահանջեն Ուկրաինային անվտանգության երաշխիքներ ու տնտեսական աջակցություն տրամադրել։
WSJ-ի աղբյուրի համաձայն՝ Ֆրանսիան և Մեծ Բրիտանիան կգերադասեն այնպիսի գործարք, որում Ուկրաինան միայն փաստացի կճանաչի Ռուսաստանի վերահսկողության ներքո տարածքների կորուստը։
Արտաքին գործերի նախարարության խոսնակը թերթին ասել է, որ Բրիտանիան կիսում է ԱՄՆ-ի՝ ռազմական գործողությունները դադարեցնելու ցանկությունը և «սերտորեն համագործակցում է դաշնակիցների հետ՝ աջակցելու այդ ջանքերին»:
Պաշտոնական հաստատում չկա այս տեղեկություններին։