Հայտնի դերասան Ժան-Կլոդ Վան Դամը ներգրավված է երեխաների թրաֆիքինգի գործում

Հայտնի դերասան Ժան-Կլոդ Վան Դամը մեղադրվում է մարդկանց թրաֆիքինգի հանցավոր ցանցի ծառայություններից օգտվելու համար, այդ թվում՝ երեխաների, գրել են ԶԼՄ-ները։

Ըստ ԶԼՄ-ների՝ Վան Դամը ժամանակ է անցկացրել Ռումինիայից մի քանի երիտասարդ աղջիկների հետ։ Արտիստի ենթադրյալ զոհերից մեկի՝ Ադրիան Կուկուլիսի փաստաբանը լրագրողներին պատմել է մանրամասները։

«Քրեական գործը բացահայտում է Վան Դամի սեռական հարաբերությունները հինգ ռումինացի աղջիկների հետ, որոնք մեր մանկության կուռքի հետ շփվելու պահին խոցելի վիճակում են եղել»,- ասել է փաստաբանը։

Հաղորդվում է, որ դերասանին ուղղված մեղադրանքները հաստատել է երիտասարդ կանանցից մեկը։ Միջադեպերը, ըստ ԶԼՄ-ների, տեղի են ունեցել Կաննում։

Փաստաբանը պարզաբանել է, որ իր տրամադրության տակ ունի ականատեսի ցուցմունքը, ով հաստատել է Վան Դամի ներկայությունը այս իրադարձություններին։

Ըստ տեղեկությունների՝ էքշն աստղի համար աղջիկների ընտրությունը, իրականացրել է ռումինացի ձեռնարկատեր Մորել Բոլեան՝ «Kasta Morrely» մոդելային գործակալության սեփականատերը։ Նա 2000-ից 2016 թվականներին անչափահասների թրաֆիքինգի գործով հիմնական մեղադրյալն է։