Ռուսաստանի կառավարությունը հաստատել է անչափահասներին էներգետիկ ըմպելիքների վաճառքի համար մինչև 500 հազար ռուբլի տուգանք սահմանող օրինագիծը։ Այս մասին հայտնում է ՏԱՍՍ-ը։

Օրինագիծն առաջարկել է ՌԴ Կոմունիստական ​​կուսակցության Պետդումայի պատգամավոր Նինա Օստանինան։ Դրա համաձայն՝ երեխաներին էներգետիկ ըմպելիքներ վաճառելու համար ֆիզիկական անձանց նկատմամբ կկիրառվեն տուգանքներ՝ 30 հազարից մինչև 50 հազար ռուբլի, պաշտոնատար անձանց նկատմամբ՝ 100 հազարից մինչև 200 հազար ռուբլի, իրավաբանական անձանց համար՝ 300 հազարից 500 հազար ռուբլի: Անչափահասներին էներգետիկ ըմպելիքների վաճառքն արգելող օրենքն ընդունվել է օգոստոսին և ուժի մեջ կմտնի հաջորդ տարվա մարտի 1-ից, սակայն դրանում տույժեր չեն նշվել։

Կառավարությունն անդրադարձել է օրինագծին՝ միաժամանակ մատնանշելով դրա բարելավման անհրաժեշտությունը։