Հունաստանի հյուսիս-արեւելքում գտնվող Եվրոս գետի փոքրիկ կղզուց 38 անօրինական ներգաղթյալների փրկության հետ կապված միջադեպը վերաճել է ներքաղաքական ճգնաժամի, ինչին անդադարձել է Kathimerini-ի հունական հրատարակությունը`նշելով, որ ընդդիմությունը բարձրաձայնել է կատարվածի մասին՝ կառավարությանը մեղադրելով անտարբերության, անմարդկայնության եւ նույնիսկ հայրենասիրության բացակայության համար։
Իսկապես, Հունաստանի իշխանությունների հայտարարություններն ու գործողություններն այս իրավիճակում ի սկզբանե չեն համընկել, եւ նրանց արդարացիորեն քննադատել են դրա համար։ Դա պայմանավորված է նրանով, որ մարդկային կյանքը պետք է առաջնային լինի, եւ եթե հնարավոր լիներ ապացուցել, որ կղզին հունական է, ապա գաղթականներն, անշուշտ, պետք է փրկվեին:
Սակայն ճիշտ է նաեւ այն, որ սահմանների հաստատումից ի վեր թուրքական առեւտրական նավերի եւ բանակի կողմից գաղթականներն իջեցվել են Եվրոս գետի կղզիներում։ Հրապարակվել են նաեւ հումանիտար կազմակերպությունների բողոքներն առ այն, որ հունական ոստիկանությունը միգրանտներին գցում է նման կղզիներ, ինչը իշխանությունների կողմից հերքվում է:։
Որոշ դեպքերում անօգնական, դժբախտ մարդիկ իրենց վերջին շունչն են թողել գետում կամ գետի բեկորներից գոյացած փոքրիկ կղզիներում, որոնք նշված չեն ոչ Հունաստանի, ոչ էլ Թուրքիայի քարտեզներում, քանի որ դրանք սովորաբար հայտնվում են ջրի մակարդակի իջնելու դեպքում եւ անհետանում երբ այն բարձրանում է:
Այնտեղ՝ չհսկվող «գորշ կղզիներում», հաճախ են դրամաներ ծավալվում։ Տարեսկզբից ի վեր գետն անցնելիս քառասունյոթ մարդ է մահացել։
Թակադում հայտնված եւ փրկված սիրիացի մի կնոջ ուցմունքի համաձայն՝ թուրքական իշխանությունները, իրենց կամքին հակառակ, իրենց Ստամբուլից տեղափոխել են Էվրոս և «հրել» գետը։ Եթե Թուրքիան կանխի ներգաղթյալների եւ փախստականների քարավանների տեղաշարժը դեպի Եվրոս, ինչը նա կարող է եւ պարտավորվել է անել Եվրոպայից հսկայական ֆինանսական օգնություն ստանալու դիմաց, իրավիճակը սահմանամերձ շրջանում կարող է հանդարտվել եւ կղզում տեղի ունեցածի նման միջադեպերը կսահմանափակվեն: Սակայն Թուրքիան դա չի անում, քանի որ օգտագործում է ներգաղթյալների հոսքերը որպես հիբրիդային զենք, եւ թուրքական այս սպառնալիքին դիմակայելու համար Հունաստանը կազմակերպել է իր սահմանային պաշտպանությունը։