Դրամի փոխարժեքը՝ այսօր
Եղանակը՝ այսօր
ԿԱՐԵՎՈՐ ԼՈւՐԵՐ

Նիկոլի տղամարդկությունը զրո է, նա իրեն լավ զգալու համար այլ տղամարդկանց է փնտրում․ Աշոտյան

Մեր երկրում, անգամ իշխանական համակարգում լիքը նորմալ մարդ կա, շատ-շատ են նաև իրավապահ համակարգում աշխատող լավ մարդիկ. դա ես տեսել եմ նաև երեկ օդանավակայանում։ Այդ մասին այսօր հրավիրված ասուլիսի ընթացքում ասաց ՀՀԿ փոխնախագահ Արմեն Աշոտյանը՝ պատասխանելով MediaHub-ի հարցին, թե արդյո՞ք չէր սպասում զարգացումների այս սցենարին։ 

Հիշեցնենք, որ օդանավակայանում նրան թույլ չեն տվել մեկնել Լիսաբոն՝ ասելով, թե ինքն անցնում է ինչ-որ քրեական գործով։ Բայց, փաստացի, ինքն այս պահին որևէ քրեական գործով չի անցնում ու մինչ այս պահը չի ծանուցվել։

«Ինձ ավելի հեշտ է տանել սեփական խաչը, քան տեսնել՝ ինչպես են խաչում ուրիշներին, և ես ուրախ եմ, որ նրանք կենտրոնացել են իմ անձի վրա։ Հուսով եմ յան կտան մարդկանց վախեցնելու, առնելու, շահագրգռելու գործելաոճից։ Կենտրոնացեք իմ վրա, տղերք, դա ավելի ազնիվ է»,- նշեց նա։

Ըստ Արմեն Աշոտյանի՝ այս պահին իշխանությունն էժան քայլեր է անում, իր դեմ քրեական գործեր կարում։

«Ուզում ես մենամարտել, Նիկոլ, արի առանց գեթ մեկ վիրավորանքի բանավիճենք։ Քաղաքականության մեջ ուրիշ մենամարտ չկա։ Զրո տղամարդկություն ունի այն տղամարդը, որ իրեն լավ զգալու համար այլ տղամարդկանց կարիք ունի։ Նիկոլն իրեն լավ է զգալու, որ այլ տղերքին ԱԱԾ-ով, Քննչականով նեղը գցի»,- նշեց Արմեն Աշոտյանը։

Մանրամասները՝ տեսանյութում։

Send