Ի՞նչ վիճակում է Հռոմի պապ Ֆրանցիսկոսը՝ հոսպիտալացումից հետո
Հռոմի պապ Ֆրանցիսկոսի առողջական վիճակը մտահոգություն չի առաջացնում, հայտնում է ANSA-ն՝ վկայակոչելով հիվանդանոցում իր աղբյուրին, որտեղ պոնտիֆիկոսը հետազոտվում է։
Աղբյուրի փոխանցմամբ՝ կատարված ուսումնասիրությունները վերաբերել են թոքերի թթվածնով հագեցվածության մոնիտորինգին։ Ֆրանցիսկոսը, ամենայն հավանականությամբ, կանցկացնի առաջիկա գիշերը հիվանդանոցում, ասել է նա:
Ավելի վաղ հաղորդվել էր, որ Հռոմի Պապ Ֆրանցիսկոսը գտնվում է Հռոմի «Ջեմելլի» հիվանդանոցում՝ պլանային հետազոտությունների համար։
Corriere della Sera-ի հաղորդմամբ՝ Հռոմի պապ Ֆրանցիսկոսի գտնվելը հիվանդանոցում կարող է հետաձգվել, առաջիկա երկու օրվա ընթացքում նրա ծրագրված ընդունելությունները չեղարկվել են։
Ինչպես գրում է իտալական Corriere della Sera թերթը, Հռոմի պապին տեղափոխել են սրտաբանական բաժանմունք։ Նրա մոտ սրտի եւ շնչառության հետ կապված խնդիրներ են նկատվել․ «Ֆրանցիսկոսը տոմոգրաֆիա է անցնում «շնչառական դժվարությունների» պատճառով»։