Արցախի Հանրապետության Տեղեկատվական շտաբը հայտնում է, որ կտրոնային համակարգն ընդլայնվել է` ներառելով առաջին անհրաժեշտության նոր ապրանքատեսակներ։ Շրջափակման պատճառով Արցախի բնակչությունը կանգնել է պարենի անբավարարության սուր խնդրի առջև։ Արցախի կառավարությունը կիրառում է կտրոնային համակարգ՝ առաջնային նշանակության պարենային ապրանքները  առավելագույնս համաչափ բաշխելու նպատակով։

Արցախի բնակիչները հնարավորություն ունեն Ստեփանակերտի և շրջանների խանութներից կտրոններով գնել շաքարավազ, բրինձ, հնդկաձավար, մակարոնեղեն, ձեթ, միրգ, բանջարեղեն, ձու, ինչպես նաև լվացքի փոշի ՝ ըստ կառավարության կողմից սահմանված ժամանակացույցի։