Հայաստանում Բելառուսի դիվանագիտական առաքելության ղեկավարը հրավիրվել է ՀՀ ԱԳ նախարարություն: Այս մասին հայտնել է ՀՀ ԱԳՆ խոսնակ Վահան Հունանյանը՝ «News.am» լրատվական գործակալության հարցին ի պատասխան:

Նրա խոսքով, ԱԳՆ-ում դեսպանին է փոխանցվել հայաստանյան կողմի մտահոգությունն ու նկատառումները վերոնշյալ հայտարարության կապակցությամբ։

Հիշեցնենք, օրերս Բելառուսի արտգործնախարար Վլադիմիր Մակեյը հայտարարել էր, որ ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի Հայաստան կատարած այցի օրինակով այցելությունները նպաստում են հակամարտությունների սրմանը: