Դեկտեմբերի 21-ին, ՀՅԴ Հունաստանի Հայ դատի հանձնախմբի և ՀՅԴ երիտասարդական միության կազմակերմամբ, Աթենքում՝ Եվրոպական խորհրդի կենտրոնական գրասենյակի առջև (Հունաստանի խորհրդարանի հարևանությամբ), տեղի է ունեցել ժողովրդային բողոքի հավաք՝ ընդդեմ Ադրբեջանի կողմից Արցախի շրջափակման, տեղեկացնում են ՀՅԴ հանրային կապերի գրասենյակից։

Մեծ թվով հայրենակիցների կողքին ներկա է եղել նաև կրոնական դասը՝ թեմակալ առաջնորդ Գեղամ արք․ Խաչերյանի գլխավորությամբ։ Նրա կողքին էին ­Հայ ավե­տա­րա­նա­կան համայնքի հովիվ վե­րա­պա­տվելի ­Վի­գեն ­Չո­լա­քյանն և Կոկինիայի հո­գե­ւոր հո­վիվ ­Պա­րետ քհն. ­Խա­չե­րյանը։ Ժողովրդային բողոքի հավաքին ներկա էին Ազ­գա­յին վար­չու­թյան անդամները, Հունաստանի Կապույտ ­Խա­չի, Հ.Մ.Ը.Մ.-ի և ­Հա­մազ­գա­յի­նի շրջա­նա­յին և տեղական վար­չու­թյունների ան­դամ­նե­րը։

Զգա­լի էր Հ.Յ.Դ. ­Պա­տա­նե­կան և Երիտասարդական միու­թյունների անդամնե­րի ներ­կա­յու­թյունը, ո­րոնք Ար­ցա­խի ու Հայաստանի դրո­շներով, պաս­տառ­նե­րով ի­րենց ընդվ­զու­մն էին արտահայտում Արցախի բնիկ ժողովրդին մար­դա­սի­րա­կան մեծ ա­ղե­տի դատապարտելու, Ար­ցա­խը շրջափակելու Ադրբեջանի որդեգրած քաղաքականությանը։

Հ.Յ.Դ. Ե­րի­տա­սա­դա­կան միու­թյան ներ­կա­յա­ցու­ցի­չները, բողոքի ցույցի մասնակիցների անունից, պահանջել են եվրոպական ատյանների անմիջական միջամտությունը՝ վերաբացելու Արցախն ու Հայաստանն իրար կապող ­Բեր­ձո­րի (­Լա­չին) մի­ջանց­քը, ինչպես նաև ստեղծել Արցախի բնիկ հայ ժողովրդին ադրբեջանական ցեղասպանական արարքներից պաշտպանելու գործիքակազմ։

Եվրոպական խորհրդի պատվիրակությանը գրավոր փոխանցվել է Եվրոպական միության միջամտության հունահայության պահանջները։ Ի խորհրդանիշ Արցախի ժողովրդին փրկելու կոչին՝ բողոքի մասնակիցները լուսարձակներով վերտառել են «SOS» բառը»։