Հասարակածային Գվինեայում համընդհանուր ընտրություններ են. ակնկալվում է, որ նախագահ Թեոդորո Օբիանգ Նգուեման՝ աշխարհի ամենաերկար պաշտոնավարած նախագահը, կերկարաձգի իր 43-ամյա ղեկավարումը Արեւմտյան Աֆրիկայի նավթ արդյունահանող փոքրիկ երկրում, հաղորդում է Reuters լրատվական գործակալությունը:

Մոտ 1,5 միլիոն բնակչություն ունեցող երկրում քվեարկելու համար գրանցվել է ավելի քան 400 հազար մարդ։ Ընտրողները կքվեարկեն նաեւ ստորին պալատի 100 պատգամավորների, երկրի 70 սենատորներից 55-ի եւ քաղաքապետերի ընտրության համար:

80-ամյա գործող նախագահ Օբիանգը միշտ ընտրվել է ավելի քան 90% ձայներով, որոնց արդարությունը կասկածի տակ է դրվել միջազգային դիտորդների կողմից՝ քաղաքական ազատության բացակայության վերաբերյալ իրավապաշտպան խմբերի երկարամյա բողոքների պատճառով:

Վեցերորդ անգամ առաջադրվելով նա պայքարում է երկու ընդդիմադիր թեկնածուների դեմ՝ Բուենավենտուրայի պատգամավոր Մոնսուի Ասումուի, որը վեցերորդ անգամ է պայքարում Օբիանգի դեմ, եւ Անդրես Էսոնո Օնդոի, ով առաջին անգամ է առաջադրվում:

Verisk Maplecroft վերլուծական ընկերության աֆրիկացի ավագ վերլուծաբան Մայա Բովկոնը ասել է, որ նախագահական ընտրությունները լիովին զուրկ են լարվածությունից: Սահմանների փակումը, ընդդիմության կողմնակիցների ոտնձգությունները եւ ձերբակալությունները ճանապարհ են հարթել Օբիանգի 43-ամյա կառավարման երկարաձգման համար:

Միացյալ Նահանգները եւ Եվրամիությունը առանձին հայտարարություններով կոչ են արել ազատ եւ արդար ընտրություններ անցկացնել՝ մտահոգություն հայտնելով ընդդիմության եւ քաղաքացիական հասարակության խմբերի դեմ ոտնձգությունների եւ ահաբեկման մասին հաղորդումների առնչությամբ:

Կառավարությունը հերքել է այս հաղորդումները՝ դրանք որակելով որպես միջատություն ընտրական գործընթացին։

Հասարակածային Գվինեան 1968 թվականին Իսպանիայից անկախանալուց հետո ունեցել է ընդամենը երկու նախագահ։ Օբիանգը 1979 թվականին հեղաշրջման միջոցով գահընկեց է արել իր հորեղբորը՝ Ֆրանցիսկո Մասիաս Նգեմային։

NEWS.am