2020 թվականի անդառնալի կորուստներից հետո, հայ ժողովուրդը գնաց ընտրատեղամաս, իմաստուն գտնվելով ընտրեց Ձեզ։ Ինչու երկաթե մուրճը չի գործում։ Այս մասին այսօր Նիկոլ Փաշինյանից հետաքրքրվեց քաղաքացիներից մեկը։
Փաշինյանը պատասխանեց, որ հեղափոխությունից և պատերազմից հետո էլ հետևությունն այն է, որ ՀՀ քաղաքացու ամենակարևոր պահանջը արդարությունն է։
«Ընդունում եմ, որ երկրում պետք է լինի արդարություն, բայց այն պետք է լինի շատ ինստիտուցիոնալ։ Մենք ահռելի մեծ գործ ենք արել այս առումով։ Չեմ ուզում որևէ հայտարարությամբ որևէ դատավճռի անաչառությունը կասկածի տակ դնել»,- ասաց նա։
Փաշինյանը նշեց, որ շատ կարևոր է զսպվածությունը։
«Իմ անցած քաղաքական ճանապարհն էլ գիտեք, կենսագրությունս էլ գիտեք, իմ ունեցած ելույթներն էլ գիտեք, գնահատականերն էլ գիտեք, բայց այլ բան է, երբ դու ընդդիմադիր քաղաքական գործիչ ես, կամ հեղափոխական կամ առաջնորդ, այլ բան է, երբ դու վարչապետ ես։ Ինչն է տարբերությունը, երբ դու վարչապետ չես, դու կարող ես անել ցանկացած բան, ինչն արգելված չէ օրենքով, երբ դու վարչապետ ես, դու կարող ես անել միայն այնպիսի բաներ, որոնց համար լիազորված ես օրենքով։ Մարդիկ կան, ասում են՝ հը, մոռացա՞ր, էն ինչ էիր ասում, մոռացա՞ր, բա՞ էս մոռացա՞ր, ոչ, ոչ մի բան էլ չեմ մոռացել և չի մոռացվի։ Այլ բան է, որ էն ասելու ժամանակ ես մարդ էի, որը իրավունք ունի անել ցանկացած բան, որը արգելված չէ օրենքով, իսկ հիմա ես մարդ եմ, որը կարող է անել միայն այնպիսի բաներ, որոնք թույլատրված են օրենքով»,- նշեց Փաշինյանը։
Մանրամասները՝ տեսանյութում