Հնդկատանի մի քանի շրջաններում հարյուրավոր մարդիկ ցույցի են դուրս եկել՝ բողոքարկելով կառավարության վերջին որոշումը, որի համաձայն ազատ են արձակվելու բռնաբարության համար 2002 թվականին աղանդավորական անկարգության ժամանակ մի մուսուլման կնոջ խմբակային բռնաբարելու համար ցմահ ազատազրկման դատապարտված 11 տղամարդիկ:
Շաբաթ օրը մայրաքաղաք Նյու Դելիում ցուցարարները վանկարկել են կարգախոսներ եւ արեւմտյան Գուջարաթ նահանգի կառավարությունից պահանջել`չեղարկել վերոնշյալ որոշումը։ Նմանատիպ բողոքի ակցիաներ են անցկացվել մի քանի այլ նահանգներում։
11 տղամարդ, որոնք պայմանական հիմունքներով վաղաժամ ազատ են արձակվել օգոստոսի 15-ին, երբ Հնդկաստանը նշում էր իր անկախության 75-ամյակը, 2008 թվականին դատապարտվել են բռնաբարության, սպանության եւ անօրինական հավաքների կազմակերպման համար:
Տուժած կինը հղի է եղել, երբ նրան բռնաբարել են 2002 թվականին Գուջարաթում տեղի ունեցած անկարգությունների ժամանակ: Սպանվել են կնոջ ընտանիքի 7 անդամները, այդ թվում՝ երեք տարեկան դուստրը։
Գուջարաթի իշխանությունները հայտնել են, որ ամբաստանյալների պատիժը փոխելու խնդրանքը բավարարվել է, քանի որ նրանք ավելի քան 14 տարի բանտում են անցկացրել: Պաշտոնյաները նշում են, որ տղամարդիկ իրավասու էին պատիժը մեղմելու՝ 1992 թվականին ընդունված քաղաքականության համաձայն: