ՌԴ նախագահ Վլադիմիր Պուտինը հրամանագիր է ստորագրել զորահավաքից տարկետում տալու մասին հրամանում փոփոխություններ կատարելու վերաբերյալ. այդ մասին հայտնում է Կրեմլի մամուլի ծառայությունը։
Համաձայն փաստաթղթի Վլադիմիր Պուտինն ընդլայնել է մոբիլիզացիայից տարկետման պայմանները:
- Զորահավաքից տարկետում է տրվում առաջին անգամ համապատասխան մակարդակի կրթություն ստացող քաղաքացիներին, ովքեր սովորում են առկա և առկա-հեռակա բաժիններում։
- Հետաձգումը կվերաբերի այն ուսանողներին, ովքեր սովորում են պետական հավատարմագրված բուհերում, քոլեջներում, գիտական կազմակերպություններում, ինչպես նաև նորարարական գիտատեխնոլոգիական կենտրոններում և հոգևոր ու կրթական կազմակերպություններում: Խոսքն առաջին անգամ համապատասխան մակարդակով կրթություն ստացողների մասին է։
- Մասնակի զորահավաքից տարկետում են ստանում նաև ասպիրանտները, բժշկական օրդինատորները և ուսանողների լրացուցիչ կատեգորիաները։
Հիշեցնենք, որ մասնակի մոբիլիզացիայի մասին հայտարարվել էր սեպտեմբերի 21-ին: