Շոտլանդիայի բնակիչը նիհարել է 45 կիլոգրամով, ազատվել առողջական խնդիրներից ու ինքնավստահ է դարձել։ Գրել է The Daily Record-ը։

Գլազգոյից 56-ամյա Ստելլա Հոլիոտիսը երկար տարիներ անօգուտ պայքարել է ավելորդ քաշի դեմ։ Նա ամաչել է իր մարմնի համար և վախեցել երեկույթների գնալ, անընդհատ հոգնած է զգացել: Բացի այդ, կինը տառապել է ազդրի հոդերի և ծնկների ցավերից։

Հոլիոտիսի խոլեստերինի մակարդակը և արյան ճնշումը ավելացել են ավելորդ քաշի պատճառով։ Բժիշկը նշել է, որ նա պետք է նիհարի՝ առողջությունն ու կյանքի որակը բարելավելու համար։ Հիասթափեցնող կանխատեսումն օգնել է կնոջը որոշել փոփոխություններ մտցնել իր կյանքում։

Հոլիոտիսը հրաժարվել է կիսաֆաբրիկատներից և արագ սննդից՝ հօգուտ տնական կերակուրների և մրգերի, սկսել է ջրային աերոբիկա և այցել մարզասրահին: Ընդամենը մեկ տարում նրան հաջողվել է ազատվել 45 կիլոգրամից ու ինքնավստահություն ձեռք բերել։ Կինը կորցրել է նաև հոդացավերը։ Այժմ նա շատ է քայլում, հաճախում է տարբեր միջոցառումների և հաճույքով կրում է նոր վառ հագուստ։