Դիետոլոգը նշել է ամենավտանգավոր կաթնամթերքը․ ինչո՞վ փոխարինել

Կարագը առողջության համար ամենավտանգավոր կաթնամթերքն է։ Այս մասին «Մոսկվա-24»-ին տված հարցազրույցում հայտնել է սննդաբան, առաջին կարգի գաստրոէնտերոլոգ և սննդային վարքագծի հոգեբան Նուրիա Դիանովան։

Մասնագետի խոսքով՝ արտադրանքը պարունակում է մեծ քանակությամբ վնասակար ճարպեր՝ 2-ից 7%:

«Սա զգալի կենտրոնացում է»,- ընդգծել է փորձագետը։

Սննդաբանը նշել է, որ տրանսճարպերը մեծացնում են սրտանոթային հիվանդություններից մահացության վտանգը, ավելացնում էնդոթելիի, այսինքն՝ արյունատար անոթների ներքին լորձաթաղանթի վնասումը, նպաստում աթերոսկլերոզի զարգացմանը։

«Էնդոթելիումն ամենազգայունն է, և այստեղից է սկսվում աթերոսկլերոզը, ճնշման դիսկարգավորումը և հիպերտոնիան»,- պարզաբանեց գաստրոէնտերոլոգը։

Մասնագետը խորհուրդ է տվել կարագը փոխարինել սպրեդով թեթև մարգարինով, քանի որ դրանք պարունակում են մինչև 2 տոկոս տրանս ճարպեր և պակաս քանակությամբ հագեցած ճարպեր։

Դիետոլոգը նշել է, որ այս մթերքից խորհուրդ է տրվում օգտագործել օրական 10 գրամից մինչև 15 գրամ, քանի որ դա բավական է հացի վրա քսելու համար։

«Նախաճաշի համար մենք բանջարեղենով ձվածեղ ենք պատրաստում. դրանք սպիտակուցներ և մանրաթելեր են: Ըստ 1 ափսեի կանոնի՝ պետք է մի կտոր հացահատիկի հաց ավելացնել և վրան սպրեդ քսել»,- ասել է մասնագետը։