Առնվազն 10 անօրինական ներգաղթյալներ խեղդվել են գետում՝ փորձելով անցնել Պանամայի հարավ-արևելքում գտնվող Դարիեն ջունգլիները՝ Կոլումբիայի հետ սահմանին։ Այս մասին ասվում է Պանամայի Ազգային սահմանապահ ծառայության հայտարարության մեջ։
«Ըստ ստացված տեղեկատվության՝ ջրի ճնշման տակ [գետում] խեղդված 10 միգրանտների դիեր են հայտնաբերվել Կարետո շրջանի ափամերձ տարածքում», - հայտնել են պանամացի սահմանապահները։
«Չնայած կառավարության ջանքերին՝ շեղելու անօրինական միգրանտների հոսքը մարդասիրական միջանցքով, որն ապահովում է ավելի մեծ պաշտպանություն, անդրազգային կազմակերպված հանցավորությունը, տեղական գործընկերների օգնությամբ, շարունակում է շահագործել ապօրինի անցումները՝ լուրջ վտանգի ենթարկելով մարդկանց կյանքը», - ավելացրել է Սահմանապահ ծառայությունը: .
Նրանք նշել են, որ միգրանտների համար հատուկ սարքավորված անցումը «տանում է դեպի Կանաս Բլանկասի տարածք, որտեղ կան մասնագիտացված պարեկներ պաշտպանության և մարդասիրական օգնության տրամադրման համար»։