8-9 գյուղ ելք չունի դեպի ճանապարհ, ջուրտ բոլոր կամուրջները, ճանապարհները քանդել տարել է, ոչ մի կոմունիկացիա դեպի մայրուղի չկա: Այս մասին MediaHub-ի հետ զրույցում ասաց բնապահպան Օլեգ Դուլգարյանը՝ Փոքր Այրում գյուղից:
Նրա խոսքով, հեղեղի հետևանքով կղզյակներ են առաջացել, տարբեր օբյեկտներ ջուրը քշել տարել է՝ ռեստորաններ, հյուրանոցներ, խանութներ, մոթելներ և այլն:
«Այս պահին ես կտրված եմ Ալավերդուց, բլոկադայի մեջ ենք, բայց Ալավերդիում տեղյակ եմ, որ վիճակը շատ ավելի լուրջ է՝ և՛ ավերածություններ կան, և՛ ջրի տակ անցած տներ, և՛ անհետ կորած մարդիկ»,- ասաց նա:
Փոքր Այրում գյուղում այս պահին էլեկտրաէներգիա կա, բայց գլխավոր խնդիրը, որի վրա Դուլգարյանը ուշադրություն հրավիրեց այն է, որ մի շարք գյուղեր՝ Շամլուղ, Ախթալա, Շնող, Թեղուտ և այլն լիարժեք բլոկադայի մեջ են, ճանապարհներ չկա: Հարցին՝ փրկարարներն այսինքն տեղում չե՞ն աշխատում, ենթադրեց, որ չեն էլ կարող այս պահին հասնել, չեն կարող անցնել գետի մյուս ափը:
«Մարդիկ գյուղերում գործող փոքր խանութներից ամեն ինչ գնել- տարել են, որովհետև հասկանում ենք, որ եթե երկու օր կոմունիկացիա չլինի, հումանիտար խնդիրներ են ստեղծվելու, հաստատ սնունդ հասցնելու խնդիր է առաջանալու: Եվ ոչ մի այլընտրանքային ճանապարհ էլ չկա»,- հավելեց մեր զրուցակիցը:
- Երևան 27.3°C
- $382.41
- €445.63
- ₽4.76