ԱՄՆ Նյու Ջերսի նահանգի Քինի համալսարանի գիտնականները պարզել են, որ ակտիվ կենսակերպ վարող մարդկանց հետ ընկերությունը դրական է ազդում նրանց վրա, ովքեր նստակյաց կենսակերպ են վարում: Գիտնականների հետազոտության արդյունքները հրապարակվել են PLOS ONE ամսագրում։
Փորձագետները վերլուծել են այլ հետազոտությունների տվյալներ, որոնք ուսումնասիրել են սոցիալական փոխազդեցության ազդեցությունը ֆիզիկական ակտիվության բարձրացման վրա: Հավաքված տվյալների հիման վրա գիտնականները մշակել են համակարգչային մոդել, որը ցույց է տվել, որ նստակյաց եւ ավելի ակտիվ մարդկանց միջեւ շփումը փոխում է առաջինների սովորությունները դեպի լավը. մարդիկ սկսում են ավելի հաճախ մարզվել:
Հետագայում գիտնականները նախատեսում են հաստատել իրենց վարկածը եւ իրական մարդկանց մասնակցությամբ թեստեր անցկացնել։