2016 թվականին Հոլիվուդը մեկ գեղեցիկ զույգի կորցրեց․ Անջելինա Ջոլին եւ Բրեդ Փիթը դիմեցին ամուսնալուծության համար։ Թեեւ բաժանումից հետո երկար տարիներ են անցել, նախկին ամուսինները դեռ չեն կարողանում միմյանց հանգիստ թողնել։ Նախօրեին լրատվամիջոցներում կրկին քննարկումներ են սկսվել նախկին ամուսինների մասին։
Անջելինա Ջոլին դատական հայց է ներկայացրել Հետաքննությունների դաշնային բյուրոյի դեմ, երբ մարմինը փակել է 2016 թվականին մասնավոր ինքնաթիռում տեղի ունեցած կոնֆլիկտի վերաբերյալ գործը։ Դերասանուհին պնդում էր, որ նախկին ամուսինը հարբել է եւ երեխաների աչքի առաջ վիրավորել իրեն։ Ավելին, նրա խոսքով՝ Բրեդը ձեռք է բարձրացրել իրենց որդու՝ Մեդոքսի վրա։ Այդ ժամանակ բյուրոն հետաքննություն է անցկացրել, դերասանին զրկել են ազատությունից, սակայն կարճ ժամանակ անց արդարացրել են եւ ազատ արձակել։
Շուտով կարող է նոր հետաքննություն սկսվել Բրեդ Փիթի կողմից նախկին կնոջ նկատմամբ դաժան վերաբերմունքի հայտարարությունների առնչությամբ։ Միայն թե, այս անգամ եւս դատարանը կբռնի դերասանի կողմը։ Page Six-ին հայտնի է դարձել, որ ավելի հավանական է՝ հայցը հերթական անգամ չքննվի, քանի որ ատենակալները նախկինում ուշադրությամբ ուսումնասիրել են դատարանին տրամադրված բոլոր տեղեկությունները եւ Բրեդ Փիթի մեղավորությունը հաստատող ապացույցներ չեն գտել։
«Նոր ապացույցներ չեն լինի։ Դատարանը տեսել է ամբողջ տեղեկատվությունը եւ չի կարողացել որեւէ մեղադրանք առաջադրել Փիթին։ Հետաքննությունների դաշնային բյուրոն մանրակրկիտ հետաքննել է միջադեպը, ոչ մի շանս չկա, որ նրանք նորից կբացեն գործը։ Այս ամենը նման է Բրեդին զրպարտելու համաձայնեցված ջանքերի»,- ինսայդերները պատմել են Page Six-ին։
Աղբյուրը՝ Peopletalk