Իսրայելում այսօր նոր խորհրդարան են ընտրում։
Իսրայելի քաղաքացիներն այսօր ընտրելու են, թե ում եւ որ քաղաքական ուժերին են տեսնում 25-րդ գումարման Քնեսետում (բաղկացած է 120 պատգամավորից)։
Վերջին երեք տարում արդեն հինգերորդ խորհրդարանական ընտրություններն են։
Ընտրությունների վերջնական արդյունքների հրապարակումից հետո, որը տեղի կունենա մեկ շաբաթ անց, նախագահ Իցխակ Հերցոգը կսկսի խորհրդակցություններ Քնեսետ անցած կուսակցությունների ներկայացուցիչների հետ՝ նոր կառավարություն ձեւավորելու համար։
Վարչապետի թեկնածու է դառնում, որպես կանոն առավել շատ մանդատներ հավաքած եւ խորհրդարան անցած կուսակցության ղեկավարը։