Հոնկոնգից սարսափելի կադրերը ցնցել են համացանցի օգտատերերին. Mirror-ի համերգի ժամանակ հսկայական տեսաէկրանն ընկել է բեմի վրա։ Երկու-երեք մարդ վիրավորվել է, նրանք հոսպիտալացվել են, մեկի վիճակը ծանր է։ Այս մասին հայտնում է South China Morning Post-ը։
Կադրերում հսկայական էկրանի անկման պահն է: Սուր անկյունով այն դիպել է պարողներից մեկի դեմքին, իսկ հետո շրջվել է մյուսների վրա։ Ներկայացումն ընդհատվել է, և անսամբլի ներկայացուցիչը խնդրել է բոլորին լքել դահլիճը։