ՌԴ նախագահի մամուլի քարտուղար Դմիտրի Պեսկովը ԵՄ-ին անդամակցելու Հայաստանի ցանկությունն անվանել է Երևանի ինքնիշխան իրավունք։

Չորեքշաբթի Հայաստանի խորհրդարանն ընդունեց օրինագիծը, որով նախատեսվում է սկսել հանրապետության՝ Եվրամիությանն անդամակցելու գործընթացը։ 

«Սա Հայաստանի ինքնիշխան իրավունքն է: Իհարկե, և՛ հայերը, և՛ բոլորը պետք է հասկանան, թե որքանով է սա փոխադարձ ցանկություն, ինչպես են եվրոպացիներն իրենք վերաբերվում դրան: Մենք գիտենք շատ երկրների փորձը, որոնք դրվել են, այսպես ասած, երկար հերթի մեջ»,- լրագրողներին ասաց Պեսկովը: