Ռուս խաղաղապահները ամեն ժամ աշխատում են Լաչինի միջանցքում իրավիճակը կարգավորելու համար և կապի մեջ են բոլոր կողմերի հետ, հայտարարել է ՌԴ ԱԳ նախարար Սերգեյ Լավրովը Ադրբեջանի արտգործնախարար Ջեյհուն Բայրամովի հետ քննարկման արդյունքներով կայացած մամուլի ասուլիսում։
Նա նաև ընդգծել է, որ Ռուսաստանը շահագրգռված է Հայաստանի և Ադրբեջանի միջև կայուն, արդար խաղաղությամբ և կրկնությունների կանխմամբ:
«Իհարկե, մենք դիտարկել ենք այն իրավիճակը, որն այժմ ամենամեծ հետաքրքրություն է ներկայացնում՝ իրավիճակի սրումը Լաչինի միջանցքում: Մենք հաստատեցինք, որ ռուս խաղաղապահներն աշխատում են բառացիորեն ամեն ժամ՝ համապատասխան կողմերի հետ շփումներում իրավիճակը կարգավորելու համար»,- ասաց նա։
«Եվ մենք կողմ ենք, որպեսզի հնարավորինս արագ վերականգնվեն տրանսպորտային կապերը և լուծվեն հանքավայրերի շահագործման հետ կապված տարաձայնությունները, թեման հին է, ժառանգություն է ստացել Խորհրդային Միությունից, և, իհարկե, անհրաժեշտ է. որքան հնարավոր է շուտ հեռացնել դրա սրությունը»,- հավելել է Լավրովը։