Ինչպես ավելի վաղ հայտնել էինք, Արցախի Մեծ Շեն գյուղում քանդել են գյուղացու տունը։ Քանդել են առանց գույքը հանելու։
Շրջանառվող լուրերի համաձայն՝ դա արվել է Լաչինի ճանապարհը կառուցելու համար, ինչի հետևանքով տուժել է ընտանիքը։
Թեմայի վերաբերյալ MediaHub.am-ը զրուցեց Մեծ Շենի բնակչի հետ, ով մեզ հետ զրույցում ասաց, որ արդեն դիմել է իշխանություններին, այժմ էլ սպասում է պատասխանի։
«Տունս հիմնահատակ քանդել են, ոչինչ չի մնացել, տեսնենք ինչ է լինելու»,- ասաց Մեծ Շենի բնակիչը։
Նշենք, որ տունը քանդելու հետևանքով՝ վնասվել է նաև հարակից եկեղեցու պատը։
Մերի Գևորգյան