Իմ առաքելությունն այն էր, որ տարբեր ծրագրեր դրեցինք հիմքի վրա։ Այդ մասին այսօր Կառավարության շենքի մոտ լրագրողների հետ զրույցում ասաց Նիկոլ Փաշինյանի խորհրդական, Երևանի նախկին քաղաքապետ Հրաչյա Սարգսյանը։
Հարցին, թե արդյոք Տիգրան Ավինյանի հետ տարաձայնություններ ունի՞, Հրաչյա Սարգսյանը պատասխանեց՝ ոչ։
«Կային ծրագրեր, որոնք պետք է իրականացվեին, խզումը պետք է վերացվեր, որն արվել է»,- նշեց Սարգսյանը։
Նա նկատեց՝ այս պահի դրությամբ ինչ տեղի է ունեցել, հանրությունը տեղյակ է։
«Հարցը, թե ես քաղաքապետարանից պետք է գամ գործադիր, չէր քննարկվել»,- նշեց նա։
Իսկ հնարավո՞ր է, որ կրկին վերադառնա քաղաքապետարան. Հրաչյա Սարգսյանը քիչ հավանական է համարում։
Մեկ այլ հարցի, թե արդյո՞ք կրկին ակտիվացել է քաղաքային իշխանություն-գործադիր խզումը, եթե հաշվի առնենք «Նեմեսիսի» հուշարձանի տեղադրման շուրջ հայտարարությունները, Հրաչյա Սարգսյանը պատասխանեց՝ միշտ էլ տարաձայնություններ եղել են։
«Ես տեղյակ էի, որ նման արձան է տեղադրվելու, բայց Փաշինյանին չէի ասել»,- նշեց նա։
Հրաչյա Սարգսյանը շեշտեց՝ դա պատմական փաստ է, որն արձանագրվել է, հիմա ի՞նչ, պետք է Թուրքիան խառնվի՞։
«Իրենք չպետք է խառնվեն մեր ներքին գործերին»,- շեշտեց Հրաչյա Սարգսյանը։