Այսօր վաղ առավոտից ձկնաբույծները բողոքի ակցիա էին իրականացնում ՇՄՆ դիմաց։ Նրանց անհանգստացրել է ԱԺ-ում նոյեմբերի 22-ին երկրորդ ընթերցմամբ և ամբողջությամբ ընդունված Ջրային օրենսգրքում փոփոխությունների նախագիծը, ըստ որի՝ Հայաստանի ձկնաբուծական տնտեսությունները, որոնք ջուր են ստանում ստորգետնյա հորատանցքերից, պետք է օգտագործեն միայն ջրի շրջանառության խնայող համակարգեր։
Շրջակա միջավայրի նախարար Հակոբ Սիմիդյանը հայտարարել է, որ նման համակարգերը պետք է թույլ տան վերաօգտագործել ջրի առնվազն 40 տոկոսը:
Ձկնաբույծները նշում են, որ այս կարգավորումից հետո իրենք հիսուն տոկոսով կրճատելու են ձկնարտադրությունը։
«Տեսե՞լ եք նման բան, որ ամեն օր խանութներում թարմ ձուկ լինի, մենք 365 օր կենդանի ենք արտադրում, աշխարհում նման բան չկա։ Հիմա հա՛մ ձկնարտադրությունն է կրճատվելու, հա՛մ ինքնարժեքն է բարձրանալու»,- նշեց ձկնարտադրողներից մեկը։
Մանրամասները՝ տեսանյութում։