Այս պահին եվրոպական մակարդակով որեւէ որոշում չկա, որը հնարավորություն կտա դադարեցնել շենգենյան վիզաների տրամադրումը Ռուսաստանի քաղաքացիներին, DW-ին ասել է Գերմանիայի ԱԳՆ խոսնակ Քրիստոֆեր Բուրգերը։
Բուրգերը հիշեցրել է, որ փետրվարի 25-ից Եվրամիության մակարդակով ուժի մեջ է Ռուսաստանի հետ վիզաների դյուրացման համաձայնագրի մասնակի չեղարկման վերաբերյալ Արտաքին հարաբերությունների խորհրդի որոշումը, հատկապես դա վերաբերում է դիվանագիտական անձնագրեր ունեցողներին։
Հուլիսի վերջին Էստոնիայի կառավարությունը հաստատել է հրամանագիրը, որն արգելում է Ռուսաստանի քաղաքացիներին ժամանակավոր բնակության թույլտվություն կամ վիզաներ տրամադրել երկրում սովորելու նպատակով։