10.50-ի դրությամբ Մյասնիկյան պողոտայից բերման է ենթարկվել անհնազանդության ակցիաների մասնակից 7 քաղաքացի: Այս մասին MediaHub-ին հայտնեցին ՆԳՆ-ից:

Նշենք, որ իրավիճակը Հանրապետության հրապարակում շարունակում է լարված մնալ, պարբերաբար բախումներ են տեղի ունենում իրավապահների և անհնազանդության ակցիայի մասնակիցների միջև: Մի պահ քաշքշոցի էպիկենտրոնում հայտնվեց նաև Բագրատ Սրբազանը:

Թե քանի բերման ենթարկված կա Հանրապետության հրապարակից, թիվը ճշտվում է: Նշենք, որ հրապարակից նաև մեքենաներ են տարհանվել:

Թարմացում

Ժամը 12.00-ի դրությամբ Հանրապետության հրապարակից բերման է ենթարկվել 2 քաղաքացի: Հատուկ պահպանվող տարածք է տեղափոխվել 6 ավտոմեքենա: