Այսօր Անկարայում` Ազգային Մեծ Ժողովի լիագումար նիստերի դահլիճում Ռեջեփ Թայիփ Էրդողանը ստանձնեց Թուրքիայի նախագահի պաշտոնը:

Նա կկառավարի հաջորդ հինգ տարիներին։

Էրդողանի երդմնակալության արարողությանը ներկա էին 78 երկրից առաջնորդներ, նախարարներ և այլ բարձրաստիճան պաշտոնյաներ։ Ներկա էր նաև ՀՀ վարչապետ Նիկոլ Փաշինյանը։

Հայտնի է, որ սպասվում է ևս մեկ արարողություն՝ Բեշթեփե նախագահական նստավայրում։ Թուրքիայի ղեկավարը հրավիրված օտարերկրյա բարձրաստիճան հյուրերի հետ միասին կմասնակցի ընթրիքի։ Ուշ երեկոյան կհրապարակվի խորհրդարանի նոր կազմը։

Տեսանյութն՝ այստեղ

Հիշեցնենք, որ այսօր պաշտոնական երդմնակալությունից մոտ 1,5 ժամ առաջ Անկարայում հորդառատ անձրևներ էին։

Հիշեցնենք նաև, որ մայիսի 28-ին Թուրքիայի ընտրություններում Էրդողանը հաղթեց ընդդիմադիր Քեմալ Քըլըչդարօղլուին՝ հավաքելով ձայների 52,5%-ը։