Ինչպես ավելի վաղ տեղեկացրել էինք, Նիկոլ Փաշինյանը պաշտոնի նշանակման նոր որոշում է կայացրել, համաձայն որի՝ Արմեն Ասատրյանը նշանակվել է Հակակոռուպցիոն կոմիտեի նախագահի տեղակալ: Եվ նա «թավշյաների» հերթական պաշտոնյան է, ում կյանքը սկսվել է և կարիերան թռիչքաձև վերելք է ապրել  2018 թվականից հետո:

MediaHub-ը, նախ, փորձեց ուսումնասիրել՝ հասկանալու համար, թե ո՞վ է եղել Ասատրյանը մինչև պաշտոնին նշանակվելը, այնինչ ոչ մի տեղեկություն այդպես էլ նրա կեսնագրության մասին չգտանք։ Ստացվում է, որ պաշտոնը զբաղեցրած պաշտոնյան մինչև այս ոչ մի էական գործով ու պաշտոնով աչքի չի ընկել, ինչը, կրկնենք, փաշինյանական թիմի համար բնորոշ տարբերանշան է, ցավոք:

Նորանշանակ պաշտոնյայի հաշվետու տարվա անշարժ գույքի և եկամուտների մասին հայտարարագրից տեղեկանում ենք, որ նա ունի 5 անշարժ գույք՝ 2 հողամաս, 3 բնակարան։ Հողամասերը ձեռք են բերվել 2025 թվականին (նվիրատվություն), բնակարանը՝ բազմաբնակարային շենքում, նույնպես, գնման եղանակով։ Մյուս բնակարանը ձեռք է բերել 2018 թվականին (գնում), անհատական բնակելի տունը՝ 2000 թվականին (բաժնային)։ Ասատրյանը որպես տրանսպորտային միջոց ներկայացրել է 2010 թվականի արտադրության MERCEDES-BENZ մակնիշի մեքենա, որը ձեռք է բերել 2019-ին։

Նրա բանկային ավանդների չափը հաշվետու տարում կազմել է 4 մլն դրամ, բանկային հաշիվների մնացորդն ընդհանուր վերցված՝ 1 մլն 460 հազար դրամ։ Որպես կանխիկ դրամ Ասատրյանը հայտարարագրել է 1 մլն 200 հազար դրամ։ Արմեն Ասատրյանի հաշվետու տարվա եկամուտը կազմել է 5 մլն 24 հազար դրամ։ Հաշվետու տարվա դեկտեմբերի 31-ի դրությամբ նրա վարկի մայր գումարը կազմել է գրեթե 25 մլն դրամ։

Էմմա Մարտիրոսյան